Memoria Demostração 1993
Kontra Okupasaun Ilegal Indonesia
Foto origin: Desconhesidu, share husi Cmrd Ivo Gilmar.
Demostração Huru Hara 1993 iha Bairo Audian.
Hakerek nain husi foin sa´e Loriko Aswain: Abílio Bernardo Caldas.
Artigu ida nee, hanesan atu relembra deit historia partisipasaun simultanea ba demostração nebe halo kuase iha bairo tomak Dili laran nebe konsentra liu iha parte Audian Leten, iha tinan 1993.
Foin sae sira mai husi bairo bairo ketak ketak, hamutuk ho hanoin ida deit halo demostração nebe kontra hura hara husi TNI e moos Polisia nebe serku iha bairo hotu, maibe ho brani tebes foin sae sira konsege halo barulho iha cidade Dili, liu liu iha bairio Audian durante loron tolu nia laran seguido deit iha tinan 1993, nebe kuase foin sae sira sempre hanoin hikas tragedia 12 de Novembro de 1991.
Iha tinan 1991, 12 Novembro, hakerek nain, momento neba sei iha banco SD 2 Farol, ho tinan nebe sei nurak, antes de akontesemento dia 28 de Outubro 1991, antes semana ida akontese iha igreja motael, intel sira nebe mak servisu iha kantor Berita Antara, komesa hafo ona maun balun hanesan maun Boni Fasio husi maliana nebe konhesido, nebe subar moos iha igereja motael, iha loron dader sei hanoin momento neba, maun boni ho nia kolega ida hakat mai fatin fotocopia, besik iha uma Mandarin, nebe momento neba China timor mak aluga hela, iha fatin fotokopia, maun boni mak titip hela documento balun hodi halo fotokopia, maibe lahatene katak Intel nain rua iha hela Loja kios China nian nee husu litik hela Maun Antonio Kios nain, derepente, intel sira nee komesa duni maun boni ho maluk ida tan, dokumento sira fotokopia hela nee moos soe deit, ho idade ida ke kiik hela, hare ho matan, maun boni tebe sai intel nia pistola, e halai jijak ba liu area igreja motael nian, iha maun ida mak intel sira konsege kaer, e ho koragem, ata hau nebe sei kiik hakat ba intel nee dehan, jangan sakiti dia tidak bersalah, maibe lakleur deit Hartop ida nebe kustema intel sonopati sira uja hodi tula nauk ema moos tula maun nee ba liu, e maun ida toma konta fotokopia nee tauk loos tamba dokumento sira nee iha hela nia, maun nee bolu hau hodi rai tia dokumento nee hatete ba hau atu soe tia, ho laran nebe tauk, konsege foti dokumento nee lori ba uma kotuk hodi tau subar.
Laran nee triste tebes iha loron ida nebe akontese iha oin kedas, ho reza deit katak maun Boni diak deit e maun nebe intel sira lori sei la hetan buat ruma.
Iha loron seguinte, ho koragem, hakarak hakat ba hare maun sira nebe mak subar hela iha igreja, tamba iha tempo neba ata hau moos tuir hela escuteiro, ho koragem hakarak hare maun sira nebe mak subar hela iha igreja neba, momento sei lembra, padre bandu ami sira atu ba iha fatin nebe maun sira subar ba, sira nebe mak momento nebe konhese ema sempre temi naran mak maun Baptista Vila Verde, Maun Aleixo Cobra, Irmaun Goveia ho sira seluk tan, momento neba atu husu moos maun Boni, maibe la iha, maun Boni mak kuando subar iha Motael ona sempre ranju ho foin sae sira iha Mandarin.
Akontesemento 28 de Outbro de 1991, iha kalan mais ou menus tuku sia kalan hanesan nee iha uma ho familia sira rona, taratu no tiru, lakleur deit rona ona barulho no igreja dere sinu ona, maibe antes nee, padre sira no maun balun husi escuteiro moos fo hanoin ona katak intel sira no bapa sira hanoin aat ona atu estraga igreja motael no moos joven sira nebe mak subar iha igreja, inklui amo padre Cunha. Iha kalan nee, halo sarani sira, liu liu iha area farol no mandarin sai tomak hodi defende igreja e la husik bapa sira ho kilat boot trankado tama ba igreja e sarani sira hakilar katak, diak liu ami mate mohu e la fo fatin, lakleur deit, rona fali mate nain rua iha fatin akonsetemento halo ema hotu tauk, e bapa sira komesa haruka hotu hotu fahe malu ida idak ba nia uma, katak situasuan kalma ona e bapa sira sei la tama estraga igreja.
Tama ba fulan Novembro, komesa rona ona informasaun katak sei mosu problema boot no demo boot hasoru bapa sira, iha dia 11 de Novembro sei hanoin, Pai ho Mae, komesa bandu ona oan sira atu ba igreja to kalan, tengki fila sedu mai uma e sai escola fila kedas mai uma, la hanesan babain, sai escola sei ba haris tasi iha ponte kaes, uluk fatin atu halimar moos susar tebes, ranju mak haris tasi iha Parte Motael nia oin to ba iha Ponte Kaes, hodi nune mak konhese maun Abílio Mau soco nebe konhesidu iha fatin refere. Iha dia 12 Novembro, hanesan babain hotu hotu hader sedu deit, maun ho bin sira moos prepara hela atu ba hotu escola ona iha Becora no Balide, ata hau ho alin Linia nebe agora iha australia, ami mak momento neba sei iha SD hela, ba escola ho laran taridu, tamba rona ona katak dala ruma escola sei la iha tamba ema barak mak sei ba assiste misa matebian Sebastiao nian iha igreja motael, momento neba tama escola, professora sira so lori deit grupo balun maun sira nebe mak iha ona klasse 6 mak ba deit, restu la ba, derepente deit, rona taruto rajada deit e helicoptro ida komesa semo tun sae iha loos iha escola nia leten, professora ida tama mai sala e dehan hotu hotu nonok e resa deit keta sai husi sala laran, maibe situsaun komesa labele kontrola ona tamba familia ida idak komesa mai ona escola inklui moos bapa nia oan sira nee moos sai hotu ona, hau fila kedas ba uma ho alin Nini , to uma hare Pai ho Mae triste los buka mana ho maun sira nebe mak sei escola hela seidauk fila, e Mae komu servisu iha parte Becora, amiga diak tebes ho Maun Bessy Kuluhun nia Mae, konta katak maun Bessy moos tuir hotu e imi nia maun no feto sira seidauk fila mai uma, halo Pai ho Mae tengki sai fali ho motor ba buka sira nebe mak seidauk fila nee, ami iha hela deit iha uma ho tauk iha tempo nee.
Grasas maromak no matebian, momento neba mana ho maun nain hira fila mai uma ho diak la akontese buat ruma.
Hahu husi artigu historia iha leten, atu relembra deit, ho idade nebe kiik hela, komesa hanoin no halo ona kontra okupasaun ilegal Indonesia, ho influensia husi maun sira nebe mak brani tebes halo klandestina no gosta rona maun sira koalia politika funu nian, halo iha escola la tauk ona koalia ba bapa sira nia oan, "kapan Pulang" mesmo ke hatene SD 2 Farol momento neba mesak ema boot nia oan sira mak escola iha neba inkliu TNI no Polisia sira nia oan javanes sira nee.
Iha Loron Lokraik ida Sabado fulan Novembro 1993, hamutuk ho maun Flaviano, Valeriu ou Bebe, ho maluk sira balun nebe iha Mandarin, ami lao hamutuk hakat ba Kolmera, momento neba area Kolmera to Vila Verde moos foin sae sira komesa tun mai dalan oin halo demo hakilar tun sae e komesa tuda ona bapa sira nia kareta atu civil ka TNI ka Polisia e hakilar kapan pulang. Iha loron ida nee momento neba, halo ita la tauk katak bapa sira bele kaer no bele oho, ho idade kiik, hare no gosta mete iha rame nia laran, sem hanoin nia konsiensia.
Tuir fali loron Domingo Fulan Novembro 1993, Ami nain haat, Maun Flaviano, Valerio u Bebe, matebian Sebastiao maun Joel Kuluhun mate resto 12 de Novembro nia alin, ho Liao, hakat liu ba ba to iha iha parte Audian Leten, hamutuk ho foin sae sira nebe nakonu tia ona iha Audian, hodi halo demo ou kontra lisuk huru hara Brimob sira, to la aguenta e la kleur deit, Anti Hura Hara TNI sira kompleto trek ida tun derepente husi kareta Hino e duni foin sae sira halai fahe malu, iha tempo ida nee duni, ata hau, halai tun mai to iha Audian kraik tesik mai iha campo pramuka agora dadaun campo democracia nian, TNI sira duni nafatin, ata hau halai tama mai iha uma ida iha Banco Central agora nia kotuk, China Timor ida nia uma, halai tama derepente deit ba liu kedas ema nia kuarto halo uma nain sira moos tauk hotu, e konsege subar duni hau ata, maibe la kleur deit, mosu Intel Polisia ida, hanesan moos Babinsa tempo neba, husu uma nain atu entrega ema nebe mak halai tama mai iha uma nee, e uma nain nee ho triste hakat mai dehan ano, sai deit ona tamba intel sira iha oin, e hau sai duni ba e intel nee kaer hau nia liman metin hodi lori ba iha grupo brimob nebe mak nakoku hela iha kareta Hino e balun tur hela, kuando besik to iha grupo nee, sei hanoin, Brimob nain rua hakat mai tebe kedas hau monu ba rai, e babinsa nee mak sori tia e dehan masih anak kecil, sira la tau hau hamutuk ho maun sira balun nebe iha tia ona kareta leten, sira tula sae hau ba tuir iha kareta oin, brimob ida mak habit metin hau, tanis los tamba brimob nee same metin hau nia ain tanan tia ona, e to iha Polri Comoro, brimob sira tun e forma haruka maun sira nebe iha kareta laran nee mak tun uluk e sira baku tebe to tama iha comarca, hau mak tun ikus liu e sira baku nafatin iha ulun to monu ba rai, to la hatene aan, tama tia ba iha Comarca laran foin mak sadar kuando Polisia sira fo be ba hau e maun lubuk ida mak ajuda hare, haluhan sira hotu ona, tamba momento neba iha sala comarca luan ida kuase ema hamutuk liu 100 liu mak sulan iha fatin ida nee, la kleur deit Polisia sira komesa haruka hasai hotu faru husik deit ho kuakas deit, maun sira barak mak halo protesta e hetan baku to muda fali ami fahe ba grupo hamutuk ema kala 20 hanesan nee ba sena iha sela ida nebe klot tebes hamutuk ho sintina nebe la saudavel tebes, pasiensia deit e ho idade nebe kiik tanis deit, maun balun mak hakalma, iha sela nee mak foin hetan fali maun valeirio ou bebe e moos Sebatiao, hau sei koragem husu ema kaer imi iha nebe sei konta fali historia mesmo ho situasaun ida nebe susar tebes.
Durante semana ida iha Sela nia laran, sem hetan autorizasaun husi familia sira atu bele mai visita, sorte diak, hetan fali Polisia Brimob Javanes ida visinho, mak mai hase fali, halo saida iha nee, o nia Pai ho familia sira hatene ona, hau dehan seidauk, nia sai kedas e ba kedas uma, hodi dehan ba ata hau nia Pai nebe mak buka tun sae los, e ate visinho sira balun hatene tauk atu fo hatete katak hau iha comarca hela, iha momento neba so hau nia Pai, Polisia sira autoriza tama duni ba hare hau, maibe lalais deit, labele halo buat ida, husu ho haraik aan atu hasai hau maibe la bele, Polisia Timor oan Brimob sira la besik e intel sira komesa hafu tun sae ona hau nia aman.
Loron ikus depois de semana ida, informasaun to duni ba hau nia amigo no Primo Marco Quintao, momento neba nia Mae moos sei hanesan Angota DPR, iha kalan tuku 10 besik ba ona Madrugada sei hanoin, derepente, Polisia hein sela nee mai, husu siapa yang namanya Abilio Bernardo Caldas, ho laran tauk la hatan, nia bolu dala ida tan, maun sira balun dehan alin lalika hatan ida, se sira lori o sai ami sei la fo diak liu ita mate hotu, tamba maun sira balun mak sira husik ona sai la hatene ba nebe inklui Valerio ou Bebe ho Sebastiao sira mak sai uluk. Polisia nee husu tan dala ida ho dehan "Anak itu mau dipulang kan segera ke keluarga ada datang Jemput".
Hau sai husi Sela nee no despedida ba maun sira nebe mak iha hela sala laran no husu atu hato informasaun nee ba Cruz Vermelha nebe seidauk mai visita tamba dadur sira sei barak hela seidauk sai. Polisia nee lori hau ba iha sala kapolda nian nebe kapolda nee rasiik mak husu hau o mak naran Abilio Bernardo Caldas, e hau hare ba iha kuadro mutin sira hakerek hau nia naran kompleto ho idade 25 Anos, hau hakfodak no dehan kedas ba Kapolda nee, Pak umur saya bukan 25 Tahun, saya baru 14 tahun, Baru SMP kelas 2, Kapolda hatan o ya sudah, la kleur mak Pengawal Kopasus nain rua nebe mak momento nebe kawal hela ferik Maria Quintao, hakat mai sala, e Kapolda husu imi nain rua mak sei lori nia ba uma ka, nebe sira hatan Ya Pak, halo hau moos tauk e lakohi atu sai husi sala nee, tamba sira hatan sira husi satuan kopasus e hau lahatene sira, depois mak sira dehan jangan takut, saudara kamu Marco lagi tunggu di luar. oras moos lao dadaun ona besik meia noite, e Kapolda husik hau dehan jangan nakal lagi dan ikut ikutan, Kopasus nain rua nee lori hau ba kareta fatin, mak hasoru primo Marco Quintao nebe hein hela hau, ho triste hasoru malu no agredese tebes ba nia brani no ferik Quintao e moos ho ajuda Alex Sumampow nia oan Mane Freddy Sumampow bele hasai hau husi nakukun nia laran durante semana ida nia laran, tamba familia sira la bele hasai hau no tauk iha momento neba.
Kalan nee kedas fila ba hela iha Marco Quintao nia uma durante besik semana ida nia laran la ba uma, maibe familia sira hatene ona katak hau sai ona husi comarca agora ba hela iha Marco Quintao nia uma, tamba intel sira ba husu hela informasaun nafatin iha uma, e loron ida toman duni, bapa intel nain rua mak durante nee tama sai hela deit ba uma e halo interoga hau nia Pai e ameasa, ho hirus hare tia ida nee, hau sai ba liur e hetan kolega Marco Quintao ho kopassus nain rua nee, hau informa ba sira nain rua, intel nain rua nee mak buka hela deit hau, hanesan soran fali sira iha momento neba, Kopasus nain rua nee haruka para kedas kareta nebe mak intel nain rua nee e ameasa kedas sira nain atu labele mai book tan hau e familia ida nee.
Tempo nebe deficil tebes, konsege sai husi nakukun nia laran e kontinua ba fali escola hanesan babain to remata escola SMP N1. Depois de remata SMP, hakat ba escola SMA iha Bandung 1995, dala ida tan tama komarka ho maun alin 4 tama iha Polda Metro Jaya, tama la konsege tama iha embaixada, dadur durante semana ida nia laran, iha loos loron natal to tinan foun iha deit comarca Polda Metro Jaya, tinan 1996 fulan Maio, ata hau mesak deit konsege husu Asilo Politico iha embaixada Alemaun Jakarta e hakat ba Portugal to tinan Maio 2000 depois de Timor ukun aan mak fila hikas mai rai Doben Timor - Leste.
Ho situasaun refere la halo hau tauk no hakiduk, e kontinua fo aan no espirito tomak ba luta libertasaun da Patria e Povo.
Artigu badak ida nee, atu hatutan deit buat simples ida ke foin sae sira participa iha tempo nebe susar tebes ba partisipasaun Libertação da Pátria husi meios oin oin.
Abílio Bernardo Caldas, SC, M. MSI
Durante semana ida iha Sela nia laran, sem hetan autorizasaun husi familia sira atu bele mai visita, sorte diak, hetan fali Polisia Brimob Javanes ida visinho, mak mai hase fali, halo saida iha nee, o nia Pai ho familia sira hatene ona, hau dehan seidauk, nia sai kedas e ba kedas uma, hodi dehan ba ata hau nia Pai nebe mak buka tun sae los, e ate visinho sira balun hatene tauk atu fo hatete katak hau iha comarca hela, iha momento neba so hau nia Pai, Polisia sira autoriza tama duni ba hare hau, maibe lalais deit, labele halo buat ida, husu ho haraik aan atu hasai hau maibe la bele, Polisia Timor oan Brimob sira la besik e intel sira komesa hafu tun sae ona hau nia aman.
Loron ikus depois de semana ida, informasaun to duni ba hau nia amigo no Primo Marco Quintao, momento neba nia Mae moos sei hanesan Angota DPR, iha kalan tuku 10 besik ba ona Madrugada sei hanoin, derepente, Polisia hein sela nee mai, husu siapa yang namanya Abilio Bernardo Caldas, ho laran tauk la hatan, nia bolu dala ida tan, maun sira balun dehan alin lalika hatan ida, se sira lori o sai ami sei la fo diak liu ita mate hotu, tamba maun sira balun mak sira husik ona sai la hatene ba nebe inklui Valerio ou Bebe ho Sebastiao sira mak sai uluk. Polisia nee husu tan dala ida ho dehan "Anak itu mau dipulang kan segera ke keluarga ada datang Jemput".
Hau sai husi Sela nee no despedida ba maun sira nebe mak iha hela sala laran no husu atu hato informasaun nee ba Cruz Vermelha nebe seidauk mai visita tamba dadur sira sei barak hela seidauk sai. Polisia nee lori hau ba iha sala kapolda nian nebe kapolda nee rasiik mak husu hau o mak naran Abilio Bernardo Caldas, e hau hare ba iha kuadro mutin sira hakerek hau nia naran kompleto ho idade 25 Anos, hau hakfodak no dehan kedas ba Kapolda nee, Pak umur saya bukan 25 Tahun, saya baru 14 tahun, Baru SMP kelas 2, Kapolda hatan o ya sudah, la kleur mak Pengawal Kopasus nain rua nebe mak momento nebe kawal hela ferik Maria Quintao, hakat mai sala, e Kapolda husu imi nain rua mak sei lori nia ba uma ka, nebe sira hatan Ya Pak, halo hau moos tauk e lakohi atu sai husi sala nee, tamba sira hatan sira husi satuan kopasus e hau lahatene sira, depois mak sira dehan jangan takut, saudara kamu Marco lagi tunggu di luar. oras moos lao dadaun ona besik meia noite, e Kapolda husik hau dehan jangan nakal lagi dan ikut ikutan, Kopasus nain rua nee lori hau ba kareta fatin, mak hasoru primo Marco Quintao nebe hein hela hau, ho triste hasoru malu no agredese tebes ba nia brani no ferik Quintao e moos ho ajuda Alex Sumampow nia oan Mane Freddy Sumampow bele hasai hau husi nakukun nia laran durante semana ida nia laran, tamba familia sira la bele hasai hau no tauk iha momento neba.
Kalan nee kedas fila ba hela iha Marco Quintao nia uma durante besik semana ida nia laran la ba uma, maibe familia sira hatene ona katak hau sai ona husi comarca agora ba hela iha Marco Quintao nia uma, tamba intel sira ba husu hela informasaun nafatin iha uma, e loron ida toman duni, bapa intel nain rua mak durante nee tama sai hela deit ba uma e halo interoga hau nia Pai e ameasa, ho hirus hare tia ida nee, hau sai ba liur e hetan kolega Marco Quintao ho kopassus nain rua nee, hau informa ba sira nain rua, intel nain rua nee mak buka hela deit hau, hanesan soran fali sira iha momento neba, Kopasus nain rua nee haruka para kedas kareta nebe mak intel nain rua nee e ameasa kedas sira nain atu labele mai book tan hau e familia ida nee.
Tempo nebe deficil tebes, konsege sai husi nakukun nia laran e kontinua ba fali escola hanesan babain to remata escola SMP N1. Depois de remata SMP, hakat ba escola SMA iha Bandung 1995, dala ida tan tama komarka ho maun alin 4 tama iha Polda Metro Jaya, tama la konsege tama iha embaixada, dadur durante semana ida nia laran, iha loos loron natal to tinan foun iha deit comarca Polda Metro Jaya, tinan 1996 fulan Maio, ata hau mesak deit konsege husu Asilo Politico iha embaixada Alemaun Jakarta e hakat ba Portugal to tinan Maio 2000 depois de Timor ukun aan mak fila hikas mai rai Doben Timor - Leste.
Ho situasaun refere la halo hau tauk no hakiduk, e kontinua fo aan no espirito tomak ba luta libertasaun da Patria e Povo.
Artigu badak ida nee, atu hatutan deit buat simples ida ke foin sae sira participa iha tempo nebe susar tebes ba partisipasaun Libertação da Pátria husi meios oin oin.
Abílio Bernardo Caldas, SC, M. MSI
No comments:
Post a Comment